» » Gumva Tuta Lazut̆epeşi Tutan.


sponsor bağlantıları

 Ma mşun Oraşa mandrepiji livadişǩuni lazut̆i xaşǩumt̆ey nana do babaşǩimi.
 Klemurişi Ramazan Kosanoğlu


Ma mşun araşa mandrepiji livadişǩuni lazut̆i xaşǩumt̆ey nana do babaşǩimi. Mati hinişǩala doviguret̆i obergu do oxoşǩu. Oxaşǩu xolo maxenert̆u, cepçamt̆i ǯulu originate kocit̆una let̆aşa, komovizdamt̆i diyert̆u. Oxoşǩu peği vamaxenert̆u. Origi nadiǩaçaman mazgva xe guri lazut̆işi ǩaǩala kodiǩaçamt̆ey, Arǩale sap̌i diǩ

açar, arǩale lazut̆i ǩaǩala, arǩale do origi ceçasi let̆a ekubğar naeşǩantxori sva. Ma hini vamaxert̆u. Nana do babaşǩini hani ikumt̆anşa mati obergu do oxoşǩu aroğorda vikumt̆i. Hini naxaşǩeyşe ogi şǩimi lazut̆epe eşǩit̆u. Mati xazi mayert̆u. Dişǩaşi oxori him didi livadişi lazut̆epete ibşet̆u. Gumani nçalepeti livadi bardi dikumt̆ey. Oxoriǩoçi koǩovisvarert̆it do namu ordo maxenanen deyite yarişi vikumt̆it. Lazut̆epe hiǩu iyert̆u çi; onʒxenepe ibşert̆u lazut̆epete. Serendi nauğurt̆u kocupinamt̆ey. Zade nauğunanpeşi oxorişa it̆ey do nuşvert̆ey onʒxunu. oxori çonçepete ipşert̆u. Onʒxuni içodasi gunže txozape dikumt̆ey. İri oxoriti şǩunişist̆eri iyert̆u him ǯana varipinuna lazut̆epe. Babaşǩimi Msumexi’şa idusi dulya nauxenamt̆u ar oxorza t̆ǩuçi: -Lazut̆i giğuni Çazimi? -Ho komiğun. -Ham lazit̆i keçopi do livadisǩani kodvorgi. Ham melendo moviği dido bet̆i iyen, ǩaǩalapeti zade didi iyen. Babaşǩimi him tasi eç̌opu do oxorişǩunişa moğuşuǩule iri ǯana ogumu ora him oxorza uxvamay. Him tasişi nadovorgit lazut̆i irişişa didi ǩaǩala ayert̆u, Ç̌ebati gunže iyert̆u, varipinert̆u. Huyti zade didi iyen. Huyti varipinen. Babaşǩimi dirinuşuǩule livadi dulya ikuy. Eveli hişo iyert̆u, Oşǩomuşeni dvorgamt̆ey, lazut̆işa gale mut̆i variyert̆u. Cenç̌areri kort̆u, oşǩomale varort̆u. Him orape gomaşinasi maǩomaden. namaǩomaden; muti vamiğurt̆ey do xolo huynerişa vorsi vort̆it. Him mandrep̌iji livadi huy çayi kodovorgit. Babaşǩimi xoloti çayi nadvorgun svalepe lazut̆i dvorgay. Çayi ǩiti vanonǯay. Oxorişǩuni huyti lazut̆i iyen, huyti mcxunumt, huyti ntxoza vikumt.
 

ǩlemuri Remezanina

Ramazan Kosanoğlu Ǩlemurişi
ramox@hotmail.com
www.lazca.org


0


Paylaş/Share/Gurtit


Seçmeli Ders Modeli ve Anadil Eğitimi ihtiyacı

Geçtiğimiz aylarda Ülke Milli Eğitim Bakanı tarafından beklenmedik bir açıklama oldu. İçinde

Yazarlar » Selma Koçiva

31-05-2013, 20:47

"Türkiye’nin Anadilleri Kurumu" oluşturmalı

Ali İhsan Aksamaz Geçtiğimiz ay, önce

Yazarlar

31-05-2013, 20:51

Konuya yorum yazabilmek için üye olmalısınız. Üye Olmak İçin Tılka



Adınız:*
E-Mail:
Kodu girin: *
Okunamayan kodu yenilemek için resmin üstüne tıklayınız