İrituli mak'omadu

Lazebura destani:  iritulu makomadu

İritulu mak’omadu e nana şkimi
Meyaperi celançxveri lazut'i cari
Ardo si nanobamt’i ağani pancari.
Kocemudumt’i bakiri t’abağina
Komovusumt’i zancari, zancari.
A opşkomik’o skani xepete xeneri pancari

İrituli mak’omadu e nana şkimi
Huy p’iya mu ikuy Açelya’na Şkimi
So on deyi varic’itxaysi baba şkimi
İrituli mak’omadu e nana şkimi

İrituli mak’omadu e nan şkimi
So on soti vagaziruyi sevdali şkimi
Dişka torumsi p’iya çayi 3’ilumsi
Amutxa domi3’vi muyyen e nana şkimi

İrituli mak’omadu e nana şkimi
Mandre nanok’orun ncenina
Avla na elaxen k’atuna
On3’xeni na cobun cebureri paltuna
İrituli mak’omadu e nan şkimi

İrituli mak’omadu e nana şkimi
Cenneti kva zibarepe ardo mintona
Ham ayriluği domanc’inu dovinc’ini
Aşk’va vamevuxondur e nana şkimi
Meftar oc’ume, cendxani, yemarti….

Yaşar Eren Kıran (k'aça yaşari)
Bu şiir ilk kez www.lazca.org sitesinde yayınlanmıştır.
Ticari amaçlı kullanılamaz.

www.lazca.org edebiyat