Ar ç'umanişi Osman KUYUMCU » www.lazca.org Laz dili ve Kültürü sitesi


» » Ar ç'umanişi Osman KUYUMCU


Ar ç'umanişi Osman KUYUMCU

sponsor bağlantıları


AR Ç’UMANİŞİ

Ar ç’umanişi gamablare do mevt’are
Umeşone
Epşk’undare p’ri-cetanaseren
Opodraje mcora elizi3inamt’aşa
t’obaşa

Ar ç’umanişi
T’eni rak’anepe k’ap’ula
M3a hek hak gomp’ulereji
Mp’ula do mele
Toli na var dunç’uşuren svalepe...

Ar ç’umanişi gamablare do mevtare
Umeşone
3’ulu 3’ulu berepe
Gzalepe cobğurt’aneren
K’uçxe ç’unç’u
Let’a jindo ibirt’aneren
Borba t’ert’elerepe
Xap’u3’yarepe
Elevat’are:
"E berepe berepe/ Tuta elat’axerepe”

Ma uncire, uk’u3xe
Nciri miğamt’aseren
Mşk’orina ileri...
Burgulepe midardalamt’aseren
Mendrani gzalepeşi
Nç’ina k’ot’ula cexuneri, meileri

Ar ç’umanişi
Gamablare do mevtare
Ar ç’umanişi
Gza 3’ale svari svari
Ko golisvaraneren
Mevabirare tutanape:
"E berepe berepe/ klinçxişi ğoberepe”
Ko mişk’urt’aseren ma
Moyseles igzales nanape nişi
Cem3’uperi yağmişa
U3’are, ucare...
Ek’axveri bere bura.

E berepe berepe
Xe celevusvare xarainape,
Çxindi fincilyarinape
Çxindinape govukosare..

K’alaşi elibart’a do
Dadalinape meyinktert’a moyinktert’aşa
Elak’ota elaberi,
U3xu svalepeşa
Gamabla do mevt’are ar ç’umanişi
Şilya 3’anape na gomindunes mcora xe dok’açeri
Guri doloxe elizi3inamt’aşa
Gurişa eşk’ağmaleri mcora

Gamablare ar ç’umanişi.
Osman P’İZMA
P’OLİ
3’anağani 1997

 



Emojiye tıkla sayfaya duygunu bırak
0




Konuya yorum yazabilmek için üye olmalısınız. Üye Olmak İçin Tılka



Adınız:*
E-Mail:
Kodu girin: *
Okunamayan kodu yenilemek için resmin üstüne tıklayınız