Anasayfa » Yazarlar » (Ǩlemurişi) Ramazan Kosanoğlu » Si İgzali şuk'ule / Sen gittikten sonra (lazca şiir)


Si İgzali şuk'ule / Sen gittikten sonra (lazca şiir)

sponsor bağlantıları



LAZCA ŞİİR – Sİ İGZALİ ŞUǨULE
 

 
Si igzali şuk'ule

Dunya dadi var uğun
Namağodu dubağun
Gverdi nosi var miğun
 Si igzali şuǩule


Toli vodva si mazin
Mu mǯorum vapa gazin
Nciri p̌ote var mazin
 Si igzali şuǩule


Valumcu do vatanu
Xava vap̌a gotanu
Mamulepe cotanu
 Si igzali şuǩule

Abca ǩale cevulur
Si xolo ti var mulur
Bgarineri govulur
 Si igzali şuǩule


Guri gitaxi guri
Coburi do coburi
Aşǩva vamoyzden şuri
 Si igzali şuǩule


Cari ǯari vap̌a mşun
Nepepe golovuçum
Ağu movindgam do pşum
 Si igzali şuǩule

Ǩat̆a ndğa sela mepçam
Kodape dudi cepçam
Mit̆i uji var mepçam
 Si igzali şuǩule


Ramazan Kosanoğlu Ǩlemurişi




 




 

Ramazan Kosanoğlu Ǩlemurişi
 www.lazca.org 

 

 

*********************
Bğurasi cevagare
Lazuri destani

Çumanişi cebguti
Bayramişa mendafti
Mazirasen deyite
Avlamuşi golafti

Aziru varaziru
Galeşi kogamaxt'u
Ar cur şeyi dovu3'vi
Vigzalişi gamaxt'u

Yema celeraponi 
Navort'işa komxt'u
P'iya şk'imişenon-i
Hik'u yeri nagoxt'u

Ogineri st'eri on
P'ot'e vap'a goynturu
Xepe adardalinu
Nena vap'a canturu

Zade xazi ayasi 
Xenape varak'açen
Moignapeyt'ay deyi
Mut'i xe vadvak'açen

İlak'irdamt'aşa ti
Gverdi evvazi3'inen
Him nanaşk'inasen ti
Guri yaği dvan3'inen

Xut tet'ik'e dogutu
Ar 3'ana komomalu
Oxorişa movit'i
T'ora ti vamomalu

Zade mint'aluk'o ti
Boyne gogigorare
P'ot'e derdi mo ikum
Si korna vabğurare

Naidare yerişa 
Mamurito iyare
Vorsi biç'i ganç'a do
Bere nana iyare

Ma aşk'va vapxesap'um
Mut'i çare vabziram
Zade mak'omadasi
Ezmocepe kobziram

Sk'ani oxesap'ute 
Omuri diyu mk'ule
Nciri komak'ayibu
Si igzali şuk'ule

Cegaperi kort'a do 
Ar dğa tina zor iyen
Mup'at mu çare uğun 
Varaşa ti var iyen




Emojiye tıkla sayfaya duygunu bırak
0


Daha kolay yorum yazabilmek için ücretsiz üye ol Üye Olmak İçin Tılka


Adınız Soyadınız: