Vildan Lokumcu

SALAXANA “GOXTİMONİ

SALAXANA "GOXTİMONİ*”
I.
Mç̌imaşi doloxe ar ǯap̌i vort̆i, mp̌ulaşi doloxe bcant̆i. Ťağuni diqinu, mebli, mebli, mebli…Vikti, vikti, mebli…
Ǯip̌!
Titxu tomoni ar biç̌işi tis vort̆i…Axit̆onu. İnçaminuşeni xe iǯozdu…Aǯi mu p̌a? T̆ani domipaşasint̆u! Vimt̆i! Tişen qvaşa, qvaşen tolişi žingişa…Govişaşi, varmafiǩiru; nʒas vort̆i-i var na mzoğa-p̌icis? Sifte govinǩet̆i, oǩule t̆ani-çkimi varmakaçu, gevustvi, gilavixriali…Ğvamuşişi t̆uʒanobaten tusi varviqvaşa, çarbimuşişi ǩunǯulis na ren ç̌it̆a skuis gulaviǩirǩoli.
II.
Let̆a: Qini t̆u.Bcanti. Mendraşen ar sesi moxtu; " Hayde! Kiseli!İgzali!” İzmoce ma do quci varmepçi. Xolo " Kiseli! Igzali!”… 
" Ora varmoxtu” ma.
 " Komoxtu” ya. 
Gop̌ǩuʒxi. Mtini-ti çuçuna t̆u t̆ağuni.  Mutxani xolo noksani t̆u mara mu? Ťağuni çuçuna t̆u, oçişi ora vart̆u. Mu na t̆u gzas visimadamint̆u.
                                        ******
Ǯǩari: Dixaşi tude vort̆i. Goǩuʒxinuşa dido ora t̆u; xeleri blirt̆i. Mʒikaşǩule dixak koxominǩanu; " Hayde! Ora moxtu, kiseli!” ya. Ma ordo ren ya gemaqu mara dixak eşo tku na mtini ren ma. Muşeni ki mogvali kiana çkimden dido uçkit̆u.
            Gzas gebdgiti.
                                                      ******
Nca: Dodgineri bcanti. Ubut̆ǩoni, upukironi ar roǩi… Muşenişǩule kyokepe maxit̆onu. " Aya mu mağoden?” ya do visimadep̌t̆aşa ǯǩarişi sesi vogni;      " Hayde! Ora komoxtu!” ya. Govişaşi. 
           "Ordo varen-i?” ma. Çkimebura duyla varvikip” ya. " Dixa moxtu, gomoǩuʒxinu”
           " ma ordo steri gemaqven mara dixak giǯu na mtini ren” ma.
                                                        ******
Pukiri: Soti vavorti. Ham kianas ar ǯip̌ili ç̌ǩemis-ti varmişapxet̆i. Mara çkimi ora-ti moxtasint̆u, man-ti yepçkindamint̆u…
          Sifte let̆a goǩuʒxu. İdu ǯǩari yoselu. Ǯǩari idu nca goǩuʒxinu. Kyokimuşişen na gyoç̌ǩu, mtel qaepeşi ǩunǯulişakis komoxtu. İp̌t̆i, qaepes ar p̌up̌uzi vort̆i. Ar ǩele xelebaten, ar ǩele-ti şkurinaten gale gamaxtimu pçumert̆i. Ťağuni t̆ibu, t̆ibu…Pix! Ar şvais gale vort̆i.
          Ordo govinǯǩi, miçkin mara ma mutu varp̌i ki, mtelli t̆ağunik gyoç̌ǩapinu.
         Aǯi ar ǩele kianas mevoxosar, ar ǩele-ti variqinas ma do t̆ağunişi tolis gevoǯǩer.
                                                   ******
Ǩoçi: İya…..
          Aya….
          Aǯi…. 
          Ma….
                                                ******
Skidala: Hişt! Hişt! 
 
 
                                                                     Vildan LOKUMCU MANELİŞİ
                                  Marťi  2014 / Bursa
*Goxtimoni: Gezegen ( Not: Bu bir lakap gibi uydurma bir sözcüktür. Sadece tarafımdan, şahsım için kullanılmaktadır) 

Emojiye tıkla - Yorum yap - Paylaş
Bu içeriği Sosyal Ortamda Paylaş

Bu haberi okuyanlar aşağıdakileri de okudu



ƷANƷA
Vildan Lokumcu
ƷANƷA

ƷANƷA Ma aǯi ʒanʒa ǩ’apulas mok’ideri , tomaçkimi ixis e3xeri meçameri gzas gebdgitur… VİLDAN LOKUMCU MANELİŞİ ****** Ar ǩele Lazuri, ar ǩele Turkuli do majura ǩele Rusişi

ĞURAŞİ MAGZALEPE
Hızır İrfan Önder
ĞURAŞİ MAGZALEPE

(MENDRA GZAŞİ DESTANİ) Batumişen Gyonyeşen kagamaxt’es Varvigzalat gyulvaşa varti atkves Oxtimuşen çkva çare varuğut’es E Xasani, e Zelixa, e Cuma.

Lazca' da " şa " Edatının Kullanımı
Artvin Arhavi (Ark'abi) / Lazca / Merve Alçiçek / Ne Demek
Lazca' da " şa " Edatının Kullanımı

Lazca' da "şa" ne demek? Şa şvi, Şa igzali ... Nasıl ve nerelerde kullanılır. Lazca eğitici, öğretici notlar.

AVLASǨANİ CUNELİ Ç̌EP̌Rİ MEGİPİNARE * Ç̌EP̌Rİ/ ǨERP̌İ/ ǨERP̌İǨALE
Kültür / Sanat / Haber / Karadeniz haberleri / Merve Alçiçek
AVLASǨANİ CUNELİ Ç̌EP̌Rİ MEGİPİNARE * Ç̌EP̌Rİ/ ǨERP̌İ/ ǨERP̌İǨALE

Avlapez xolo ǩerp̌i ipinasen. Haǯi xvala Rizeniz izini niçinu Lazonaz. Xolo filepe, dolokunepe suleyişi noǩepeten işvasen. Xolo filepe, dolokunepe suleyişi noǩepeten işvasen.

Si İgzali şuk'ule / Sen gittikten sonra (lazca şiir)
Ramazan Kosanoğlu ǨLEMURİŞİ
Si İgzali şuk'ule / Sen gittikten sonra (lazca şiir)

Si igzali şuk'ule.../sen gittikten sonra Dunya dadi varuğun Namağodu dubağun Gverdi nosi vamiğun Si igzali şukule

Ç̌UŤA BOZO DO TOPURİ
Artvin Arhavi (Ark'abi) / Lazca / Merve Alçiçek
Ç̌UŤA BOZO DO TOPURİ

Lazi Berepeşeni meseli... Arkaburi nenate. Haya 3apuleşi iptineri meseli deneme ren. Arkabi / 3apuleşi Merve ALÇİÇEK

Gişiş yap yada ücretsiz üye ol

İçerik Takvimi

İlginizi Çekebilir

img
RİZE VE ARTVİN SALLANDI
11-02-2023, 20:53
img
Lazca Navigasyon indir
1-06-2013, 17:59
img
Müsellem - Müslim
31-05-2013, 20:08
Rize nöbetçi eczaneleri
HANGİ BELEDİYEYİ DAHA BAŞARILI BULUYORSUNUZ?